ကလေးငယ် ဝက်ခြံ (infantile acne)ဆိုတာ အသက် (၁)နှစ်အောက် ကလေးငယ်တွေမှာ တွေ့ရတဲ့ ဝက်ခြံတွေကို ခေါ်ပါတယ်။ ယောကျာ်းလေးတွေမှာ အတွေ့များပြီး အသက်(၂)နှစ်အရွယ်ထိ ဖြစ်နေတတ်တယ်။ infantile acneဟာ ဆားဝက်ခြံ၊ အဆီဖုဝက်ခြံ၊ ရောင်ရမ်းနာဝက်ခြံစသည်ဖြင့် ပုံစံအမျိုးမျိုးဖြစ်နိုင်တယ်။ နဖူး၊ပါးပြင်၊မေးစေ့ စတဲ့နေရာတွေဟာ ကလေးငယ်တွေမှာ အဖြစ်များတဲ့နေရာတွေ ဖြစ်တယ်။

infantile acne တွေဟာ ကလေးငယ်မှာ testosterone ဟော်မုန်းယာယီ မြင့်တက်ခြင်းနဲ့ အဓိကသက်ဆိုင်တယ်။ ဟော်မုန်းကြောင့် အဆီဂလင်းထုတ်လုပ်မှုများပြီး ချွေးပေါက်ပိတ်ဆို့ရာက ဒီလိုဝက်ခြံတွေ စတင်ဖြစ်ပေါ်လာတယ်။ ငယ်စဉ်ကလေးငယ်ဘဝက infantile acne ဝက်ခြံထွက်တတ်သူဟာ အရွယ်ရောက်တဲ့အခါ ဝက်ခြံထွက်ဖို့ အခွင့်အလန်းပိုများပါတယ်။ ကံကောင်းတာက infantile acne(ကလေးငယ်ဝက်ခြံ)က အဖြစ်နည်းပြီး neonatal acne (မွေးကင်းစဝက်ခြံ)တွေကတော့ ပိုအတွေ့များတယ်။

infantile acne အများစုဟာ အသက်(၂)နှစ်အရွယ် မတိုင်မှီ သူ့အလိုအလျှောက် ပျောက်ကင်းနိုင်ပါတယ်။ မသက်သာရင် ဝက်ခြံလိမ်းဆေးအပျော့စားတွေ ပေးနိုင်တယ်။ benzoyl peroxide, adapalene cream, erythromycin gel လိမ်းဆေးတွေ သုံးနိုင်တယ်။ ကလေးငယ်မှာဖြစ်လို့ လိမ်းဆေးပြင်းအားကို ဆရာဝန်ဖြစ်သူက အထူးဂရုစိုက်ပြီးမှ ပေးသင့်တယ်။

infantile acne ဖြစ်တဲ့အခါ ကလေးမျက်နှာကို သေချာစနစ်တကျ ဆေးကြောသင့်တယ်။မျက်နှာသန့်စင်တဲ့အခါ ကြက်သီးနွေးရေသုံးပြီး သန့်စင်ပါ။ အနံ့မပါတဲ့ အပျော့စား baby wash ကို ပြောင်းသုံးပါ။ အဆီနဲ့ လိုးရှင်းတွေ ရှောင်ပါ။ ဝက်ခြံပေါ် ကုတ်ခြစ်တာမျိုးက ကလေးငယ်ဝက်ခြံကို ပိုဆိုးစေနိုင်ပြီး အမာရွတ်ထင်ကျန်နိုင်ပါတယ်။

ဒေါက်တာအေးမင်းထူး

အရေပြားအထူးကုဆရာဝန်