Reed nevus (ရိဒ်မှဲ့)ဆိုတာ မွေးရာပါမှဲ့မဟုတ်ဘဲ အရွယ်ရောက်မှထွက်လာတဲ့ မှဲ့တစ်မျိုးဖြစ်ပါတယ်။ ဒီမှဲ့က သိသိသာသာ မည်းနေတာကြောင့် အမည်းရောင်မှဲ့ (melanocytic naevus)အမျိုးအစားထဲမှာ ပါတယ်။ အရေပြားအောက်လွှာ (dermis)မှာ တည်ရှိပြီး melanocytes တွေက ရှည်မျောမျောပုံစံ (spindle shape) ရှိလို့ spindle cell nevus လည်း ခေါ်ပါတယ်။ ၁၉၇၅ခုနှစ်မှာ အရေပြားဆရာဝန် Richard Reed ကတွေ့ရှိခဲ့တာကြောင့် Reed nevus လို့ ခေါ်ကြတာဖြစ်ပါတယ်။ 

Reed nevus ကို dermatoscope နဲ့  လေ့လာကြည့်ရင် ဘေးမျက်နှာပြင်က အမည်းရောင်အမျှင်တွေဖြာထွက်သလို တွေ့ရတယ်။ အမည်းရောင်မှဲ့က ကြယ်ပေါက်ကွဲတဲ့ပုံစံ starburst ရှိတယ်လို့ တင်စားတယ်။ melanoma နဲ့ ဆင်တူတယ်။ melanoma (ရောင်ခြယ်မှဲ့ကင်ဆာ) ကတော့ အမည်းရောင်အစုအဝေး ကျပ်ခဲနေတဲ့ ပုံစံရှိပြီး အနားသတ်မှာ အမျှင်ထွက်တာ မတွေ့ရဘူး။ Reed nevus တွေကို ကလေးတွေရဲ့ လက်နဲ့ ခြေထောက်မှာ အဓိကတွေ့ရတယ်။ 

များသောအားဖြင့် reed nevus မှဲ့တွေဟာ မည်းနက်နေပြီး အပြင်ကို ဖောင်းတက်နေတတ်တယ်။ အရွယ်အစား သေးငယ်တတ်ပြီး တစ်လုံးထက်မက ရှိနိုင်တယ်။ပုံမှန်အားဖြင့် ကလေးငယ်တွေမှာ Reed nevus ဖြစ်ရင် စောင့်ကြည့်သင့်ပါတယ်။ ဘာ့ကြောင့်လဲဆိုတော့ အသက် (၁၂)နှစ်အောက် ကလေးငယ်တွေဟာ melanoma မှဲ့ကင်ဆာ ဖြစ်နိုင်ချေနည်းပါးလို့ ဖြစ်ပါတယ်။ ဒါပေမယ့် တနှစ်တခါ မှဲ့ပုံစံပြောင်းလဲမှုကို စစ်ဆေးနေသင့်တယ်။ လူကြီးနဲ့ အသက် (၁၂)နှစ်အထက် ကလေးတွေကိုတော့ melanoma မှဲ့ကင်ဆာ နဲ့ မှားယွင်းတတ်တာမို့ ခွဲထုတ်ကုသနိုင်ပါတယ်။

ဒေါက်တာအေးမင်းထူး

အရေပြားအထူးကုဆရာဝန် 

အကယ်၍ အထက်ဖော်ပြပါ လက္ခဏာအချို့ကို ခံစားနေရပါက ဒေသခံ အရေပြားအထူးကုဆရာဝန်ထံသို့ဖြစ်စေ (သို့မဟုတ်) အဆင့်မြင့် ရောဂါကုသမှုအတွက် 092051590 သို့ဖြစ်စေ ဆက်သွယ်သင့်သည်။

If you have been suffering from some of the above symptoms, you should contact a local dermatologist or by calling 092051590 for further advanced treatment.