ကျောပြင်အကွက်လိုက် မဲခြင်း ကျောပြင်အကွက်လိုက် မဲခြင်းဟာ အရေပြားပရိုတင်းဆဲလ် (keratin) စုစည်းခြင်းကြောင့်ဖြစ်ပေါ်လာတဲ့လက္ခဏာတစ်မျိုး ဖြစ်ပါတယ်။ အမည်းရောင်အကွက်ငယ်တွေ ပေါင်းစည်းထားလို့ confluent and reticulated papillomatosis (CARP) အမည်ပေးထားတယ်။ အရေပြား ဆေးပညာမှာ Gougerot-Carteaud syndrome လို့လည်းခေါ်သေးတယ်။ CARP က ဘာ့ကြောင့်ဖြစ်လဲသေချာမသိရသေးဘူး။ ဖြစ်နိုင်တာက keratin-16 မျိုးဗီဇ ဆဲလ် ပြောင်းလဲမှု၊ မွေးရာပါ ကရာတင်ဆဲလ် မူမမှန်တာ၊ အရေပြားတွင်း အမိုက်လွိုက်ပရိုတင်း စုပုံခြင်း၊ ဟော်မုန်းမူမမှန်တာ၊ အဝလွန်တာ၊ခရမ်းလွန်ရောင်ခြည်နဲ့ Pityrosporum တစေးမှိုပိုးကို လွန်ကဲစွာတုံ့ပြန်မှုတွေကြောင့်ဖြစ်နိုင်တယ်။ အဝလွန်သူ၊ချွေးထွက်လွယ်သူတွေမှာလည်း မကြာခဏတွေ့ရတတ်တယ်။ သာမန်အားဖြင့် ဒီရောဂါဟာ ဘာရောဂါလက္ခဏာမှမပြဘဲ ပိုက်ကွန်ပုံစံ ရောင်ခြယ်အမဲရောင်အကွက်တွေ ကျောပြင်မှာ အဆုပ်လိုက် အကွက်လိုက် တွေ့ရှိရတယ်။ ဆယ်ကျော်သက် လူငယ်လူရွယ်တွေမှာ အဖြစ်များပြီးခန္ဓာကိုယ် အပေါ်ပိုင်းနဲ့ လည်ပင်းပိုင်းတွေမှာ အများဆုံး တွေ့ရတယ်။ မျက်နှာ၊ပေါင်ခြံနဲ့ ဒူးခေါက်ကွေးနေရာတွေမှာလည်း တွေ့ရှိရတတ်တယ်။ အမဲရောင်ကွန်ယက်ပုံစံဖြစ်ပေါ်လာဖို့ ကရာတင်ဆဲလ်တွေက အကွက်လိုက်စုစည်းပေါင်းစည်းထားတယ်။ ယခင်က Malassezia furfur မှိုပိုးနဲ့ ဆက်စပ်နိုင်တယ်ယူဆခဲ့ပေမယ့် နောက်ပိုင်းတွေ့ရှိိချက်တွေအရ Dietzia maris ဗက်တီးရီးယားပိုးတစ်မျိုးနဲ့လည်း ပက်သတ်နေပါတယ်။ ကျောအမဲကွက်ဖြစ်လာရင် နားလည်တတ်ကျွမ်းတဲ့အရေပြားဆရာဝန်နဲ့ စနစ်တကျပြပြီး ကုသမှုခံယူသင့်တယ်။ ပုံမှန်အားဖြင့် တစ်လကနေ တစ်လခွဲအထိကုသရပြီး ၆၅%ဟာကုသပြီး (၃)လအတွင်း ပျောက်ကင်းနိုင်တယ်။ ပြန်ဖြစ်နိုင်ချေကတော့ ၁၅%ထိရှိတယ်။ အကြံပြုချက် ဒီလို အကွက်တွေဖြစ်လာရင် အစားအသောက်ထဲမှာ အပူအစပ်၊ အအီအစိမ့်နဲ့ အချိုကို အဓိကရှောင်ရမယ်။ အထူးသဖြင့် မိဘမျိုးရိုးထဲမှာ ဆီးချိုရောဂါရှိသူတွေပါ။ အဝလွန်သမားတွေမှာ အဖြစ်များလို့ ဝိတ်ချသင့်တယ်။ရာသီဥတုပူပြင်းတဲ့ရာသီတွေမှာ ပေါ့ပါးတဲ့ ချည်ထည်စကိုသာ ဝတ်ဆင်သင့်တယ်။ ဒေါက်တာအေးမင်းထူး (အရေပြားအထူးကုဆရာဝန်) အကယ်၍ အထက်ဖော်ပြပါ လက္ခဏာအချို့ကို ခံစားနေရပါက နီးစပ်ရာ အရေပြားအထူးကုဆရာဝန်ထံသို့ ဖြစ်စေ(သို့မဟုတ်) အဆင့်မြင့် ရောဂါကုသရန်အတွက် 092051590 သို့ဖြစ်စေ ဆက်သွယ်နိုင်သည်။ If you have been suffering from some of the above symptoms, you should contact a local dermatologist or by calling 092051590 for further advanced treatment.
Labial melanotic macule (labial lentigo)ဆိုတာ အောက်နှုတ်ခမ်းမှာတွေ့ရတဲ့ အမဲကွက်မှဲ့ခြောက်တွေ ဖြစ်ပါတယ်။ နှုတ်ခမ်းအတွင်းပိုင်း၊ သွားဖုံး၊ပါးစောင်၊ ပါးစပ်စတဲ့နေရာတွေမှာလည်း ရှိနိုင်တယ်။ ဒီနေရာတွင်မှာဖြစ်ရင် oral melanotic macule ခေါ်ပါတယ်။ အသက်အရွယ် ကျား၊မ မရွေးဖြစ်နိုင်ပေမယ့် သက်လတ်အရွယ် အမျိုးသမီးတွေမှာ ပိုတွေ့ရတယ်။ အသားမဲသူတွေမှာ ပိုဖြစ်နိုင်တယ်။ နှုတ်ခမ်းမှဲ့ခြောက်တွေဟာ အောက်နှုတ်ခမ်းအလယ်မှာတွေ့ရတတ်ပြီး တစ်ခုမက ဖြစ်နိုင်တယ်။ မှဲ့ခြောက်အရွယ်အစားအားဖြင့် ၁-၈မီလီမီတာအတွင်းရှိတယ်။ benign lesion ဖြစ်လို့ အရောင်ပြောင်းတာ၊ ကြီးလာတာမျိုး ဖြစ်လေ့မရှိဘူး။ ဘာ့ကြောင့်ဖြစ်လဲသေချာမသိရပေမယ့် ဟော်မုန်းနဲ့ နေလောင်ခြင်းကြောင့် ဖြစ်နိုင်တယ်လို့ ယူဆရတယ်။ နှုတ်ခမ်းအရေပြားလေ့လာကြည့်တဲ့အခါ melanocytes နဲ့ keratinocytes တွေမှာ melanin အမည်းရောင်ခြယ်ဓာတ်တွေ စုပြုံနေတတ်တယ်။ အောက်လွှာ(dermis)ထဲထိ melaninတွေ ကျွံဝင်နေတာတွေ့ရတယ်။ ကုသနည်း နှုတ်ခမ်းမှဲ့ခြောက်ကို လေဆာနည်းနဲ့ […]
