Mucocele ဆိုတာ အကျိချွဲအရည်အိတ်(mucus cyst)တစ်မျိုး ဖြစ်တယ်။ အောက်နှုတ်ခမ်းကို မတော်တဆကိုက်မိရာက အရည်အောင်းပြီး နှုတ်ခမ်းအရည်အိတ် (mucocele)ဖြစ်လာတယ်။ စမ်းကြည့်ရင် ခပ်လုံးလုံး၊ ခပ်ပျော့ပျော့အိတ်ကို အောက်နှုတ်ခမ်းထဲမှာ တွေ့ရတယ်။ နှုတ်ခမ်းအတွင်းသား၊ ပါးစပ်အောက်ခြေ၊ သွားဖုံး၊ ပါးစောင်၊လျှာ စတဲ့နေရာတွေလည်း ရံဖန်ရံခါတွေ့နိုင်တယ်။ mucocele အရည်အိတ်က ၁-၁၅ မီလီမီတာအတွင်း အရွယ်အမျိုးမျိုးဖြစ်နိုင်တယ်။ တချို့ ပဲစေ့ဆိုက်လောက်ရှိတယ်။ တခါတရံ ၃-၄လုံး တပြိုင်နက် ဖြစ်တတ်တယ်။ နှုတ်ခမ်းသားဖြစ်တဲ့နေရာပေါ်လိုက်ပြီး ခရမ်းရောင်၊ပန်းရောင်အိတ် မျိုးစုံဖြစ်နိုင်တယ်။ အမှန်တော့အကျိအချွဲထုတ်ပေးတဲ့ အတွင်းပိုင်း တံတွေးပြွန်(salivary ducts)တွေ ထိခိုက်မိရာက ပြွန်ပေါက်ထွက်ပြီး နှုတ်ခမ်းသားအောက် mucus အရည်တွေ အောင်းလာတာဖြစ်ပါတယ်။နှုတ်ခမ်းကိုက်တာ၊ စုပ်တာတွေက အဓိကဖြစ်စေတယ်။ ကုသနည်း superficial mucocele (အပေါ်ယံ နှုတ်ခမ်းအရည်အိတ်)ဟာ ၃-၆ပတ်အတွင်း သူ့ဘာသာပေါက်ပြီး အလိိုလိုသက်သာသွားနိုင်တယ်။ […]
နှုတ်ခမ်းပေါ်မှာ အဆီဖုလေးတွေ ပြုံထွက်နေတာကို Fordyce spots (Fordyce granules) ခေါ်ပါတယ်။ ပုံမှန်အားဖြင့် အဆီအိတ်(sebaceous gland)ဟာ မွှေးညင်းပေါက်ရှိတဲ့နေရာမှာပဲ တည်ရှိပါတယ်။ မွှေးညင်းပေါက်မရှိတဲ့ နှုတ်ခမ်းသားနေရာမှာ ပုံမှန်မဟုတ်တဲ့ အဆီအိတ် (ectopic sebaceous gland) တွေ အစုလိုက် အပြုံလိုက် စုစည်းလာရာကနေ Fordyce spots တွေ ပေါ်ပေါက်လာပါတယ်။ တကယ်တော့ fordyce spots ဟာ နှုတ်ခမ်းသာမက ပါးစောင်အတွင်းပိုင်းနဲ့ အမျိုးသားလိင်တံအရေပြားပေါ်မှာလည်း ရှိတတ်ပါတယ်။ Fordyce spot (မူကွဲအဆီဖု)တွေဟာ ဟော်မုန်းပြောင်းလဲမှုကြောင့် ဖြစ်တယ်။ အရွယ်ရောက်သူတွေနဲ့ ဟော်မုန်းအပြောင်းအလဲများတဲ့သူတွေပိုတွေ့ရတယ်။ မွေးကတည်းက ပါလာတာလည်းရှိနိုင်တယ်။ စိတ်ဖိစီးမှုကြောင့် ဖြစ်နိုင်တယ်။ အမျိုးသားတွေ၊အဆီပြန်တဲ့အသားအရေမှာ ပိုတွေ့ရတယ်။ အဝလွန်ခြင်းနဲ့ ဆက်စပ်နိုင်တယ်။ သွေးတွင်း ကိုလက်စတောများတာလည်း ဖြစ်စေနိုင်တဲ့အကြောင်းရင်းတစ်ရပ်ဖြစ်တယ်။ သို့သော် […]