မွေးကင်းစ ဝက်ခြံ(neonatal acne)ဆိုတာ မွေးကင်းစကလေးငယ်တွေရဲ့ မျက်နှာမှာ ဖြစ်ပေါ်လာတဲ့ ရဲနေတဲ့ ဝက်ခြံလေးတွေကို ခေါ်တယ်။ များသောအားဖြင့် pimples ပုံစံ ဝက်ခြံတွေ ပါး၊နဖူး၊မေးစေ့ စတဲ့နေရာမှာ ဖြစ်တယ်။ မွေးဖွားပြီး အသက် ၂ ပတ်အရွယ်ကနေ ၁ လအတွင်းဖြစ်လေ့ရှိတယ်။ မွေးကင်းစဝက်ခြံအများစုဟာ ရက်သတ္တပတ်အနည်းငယ်ပဲ ကြာတတ်ပြီး သူ့ဘာသာ ပြန်လည်ပျောက်ကင်းနိုင်တယ်။ Neonatal acne ကို acne neonatorum လည်း ခေါ်ကြတယ်။ မွေးဖွားပြီးစ ကလေးငယ်ရဲ့ ၅ပုံတစ်ပုံမှာ ပုံမှန်အတိုင်း တွေ့ရတတ်ပါတယ်။ မွေးဖွားပြီးနောက် ကလေးငယ်ရဲ့သွေးကြောမှာ ဆက်လက်လည်ပတ်နေဆဲ မိခင်ဟော်မုန်းက အဓိကအကြောင်းရင်း ဖြစ်တယ်လို့ ယူဆကြတယ်။ ဒီဟော်မုန်းကြောင့် အဆီထွက်တာများလာပြီး မွှေးညင်းပါက်၊ ချွေးပေါက်ထဲမှာ အဆီပိတ်ဆို့လာရာက ဝက်ခြံအနီအစက်လေးတွေ ပေါ်ပေါက်လာတယ်။ မိခင်နို့နဲ့လည်း သက်ဆိုင်တတ်တယ်။ […]