Keratoacanthoma ဆိုတာ အရေပြားက ဖောင်းတက်နေတဲ့ ဖယောင်းကျိတ်တစ်မျိုး ဖြစ်ပါတယ်။ ဒီအကျိတ်တွေဟာ ခပ်မြန်မြန်ကြီးထွားလွယ်ပြီး အရေပြား ချပ်ပြားဆဲလ်လွှာကင်ဆာ(squamous cell carcinoma)နဲ့ ခွဲရခက်တယ်။ အများအားဖြင့် မွေးညင်းပေါက်ရဲ့ လည်ပင်းပိုင်း (infundibulum)ကနေ စတင်ဖြစ်ပေါ်လာတတ်တယ်။ acanthoma ဆိုတာ အသက်ကြီးရင့်သူတွေမှာဖြစ်တဲ့ နီညိုရောင်အကျိတ်တွေကို ခေါ်ပါတယ်။ များသောအားဖြင့် အပေါ်ယံအရေပြားဆဲလ်(epidermis)လွှာမှာ တွေ့ရတဲ့ benign epithelial tumor တစ်မျိုး ဖြစ်ပါတယ်။ benign ဆိုတာ အသက်အန္တရာယ်မရှိတဲ့ အကျိတ်တွေကို ဆိုလိုတာဖြစ်ပါတယ်။ အသက်(၆၀)ကျော်တန်း အမျိုးသားတွေမှာ အဓိကတွေ့ရတယ်။ နေရောင်ထိတွေ့မှုများသူတွေမှာ ခရမ်းလွန်ရောင်ခြည်ကြောင့် အဖြစ်များတယ်။ ခုခံအားကျဆင်းတာ၊ ကင်ဆာဆေးသွင်းတာစတဲ့အခါ ဖြစ်နိုင်တယ်။ ထပ်တရာနာ (psoriasis)မှာ အသုံးပြုတဲ့ psoralen ဆေးဝါးတွေကြောင့်လည်း ဖြစ်နိုင်တယ်။ ဓာတုပစ္စည်းတွေကြောင့်လည်းဖြစ်တတ်တယ်။ တခါတရံ tumour suppression […]