Grover disease ဆိုတာ အလွန်ယားယံတဲ့ အနီစက်၊ အရည်ကြည်ဖုတွေ ခန္ဓာကိုယ်မှာ ဖြစ်ပေါ်လာတာကို ခေါ်ပါတယ်။ အလွန်ယားယံပြီး အနီဖုလေးတွေက ရေတိုသာဖြစ်လို့ Transient acantholytic dermatosis လည်း ခေါ်ပါတယ်။ အသက်(၅၀)ကျော် နေလောင်တဲ့ အမျိုးသားတွေမှာ အဖြစ်များတယ်။ ခုခံအားစနစ် နည်းပါးမှုနဲ့ အများကြီးသက်ဆိုင်တယ်။ HIV ရောဂါ၊ ကင်ဆာရောဂါ၊ ကျောက်ကပ်ပျက်စီးတာ၊ အသည်းကျောက်ကပ် အစားထိုးတာ စတဲ့ရောဂါတွေနဲ့ ဆက်စပ်နေပါတယ်။ ချွေးထွက်များတာ၊ နေလောင်တာ၊ အိပ်ရာထဲကြာရှည်နေတာတွေနဲ့ သက်ဆိုင်တတ်တယ်။ ဘာ့ကြောင့်ဖြစ်မှန်း သေချာမသိရပေမယ့် ချွေးအောင်းတာ၊ ချွေးဂလင်းပျက်စီးရာက ဖြစ်လာတဲ့ အနီဖုတွေ၊ အရည်ကြည်ဖုတွေလို့ ကောက်ချက်ချနိုင်တယ်။ ကင်ဆာဆေး ခီမိုသွင်းတာ၊ BRAF-inhibitors ဆေးဝါးတွေကြောင့် ဖြစ်နိုင်တယ်။ ဆေးဝါးတွေကို လူ့အရေပြားက စွန့်ထုတ်ရာကတဆင့် ချွေးဂလင်းတွေ ထိခိုက်တာကြောင့်လည်း ဖြစ်နိုင်တယ်။ […]