Chloracne (ဓာတုဝက်ခြံ)ဆိုတာ ဓာတုပစ္စည်း၊ ဓာတုဓာတ်ငွေ့ ထိတွေ့ရာက ဖြစ်ပေါ်လာတဲ့ ဝက်ခြံဆန်ဆန် အဖုတွေကို ဆိုလိုပါတယ်။ ဝက်ခြံအမျိုးအစား စစ်စစ်မဟုတ်ဘဲ ဓာတုပစ္စည်းကို အရေပြားကတုံ့ပြန်ရာက ဝက်ခြံပေါက်သလို ပုံမမှန်တဲ့ အဖုပိန့်တွေထွက်လာပါတယ်။ ဝက်ခြံနဲ့တူတဲ့ အရေပြေားပြောင်းလဲမှုဖြစ်တာကြောင့် acneiformic dermatosis လို့ ခေါ်ပါတယ်။ စတင်တွေ့ရှိခါစက ကလိုရင်းဓာတ်ကြောင့် ဖြစ်တဲ့ ဝက်ခြံလို့ ယူဆတဲ့အတွက် chlorine acne (chloracne) လို့ခေါ်ဝေါ်ခဲ့ပါတယ်။ နောက်ပိုင်းမှ ဓာတုဆိပ်ဓာတ်ငွေ့တွေကြောင့် ဖြစ်ပေါ်စေတာ သိရှိခဲ့ရတယ်။ ဓာတုငွေ့တွေထဲမှာ dioxin ဓာတ်ပါလေ့ရှိတယ်။ dioxin ဆိုတာ ဓာတုငွေ့ အဆိပ်တစ်မျိုးဖြစ်ပြီး လေထုထဲရှိနေတတ်တယ်။ ဥပမာ အမှိုက်မီးရှို့တာ၊ တောမီးလောင်တာ၊ မီးတောင်ပေါက်ကွဲတဲ့အခါမျိုးမှာ အဆိုပါဓာတုငွေ့ဟာ လေထုထဲရောက်ရှိသွားပါတယ်။ တိရိစ္ဆာန်တွေရဲ့ အဆီလွှာထဲမှာလည်း ဒီဓာတုအဆိပ်တွေကိန်းအောင်းနေတယ်။ အထူးသဖြင့် ပြုပြင်ထားတဲ့ အသား၊ငါးနဲ့ […]