ခြေချောင်းလေးတွေရဲ့ အပေါ်မျက်နှာပြင်မှာဖြစ်တဲ့ အသားမာကို corns ခေါ်ပါတယ်။ calvus လို့လည်း ခေါ်သေးတယ်။ ခပ်ဝိုင်းဝိုင်းပုံစံရှိတဲ့ အဝါရောင် အသားမာတစ်မျိုး ဖြစ်ပါတယ်။ အရေပြားပွတ်တိုက်ခံရဖန်များပြီး ဆဲလ်သေ keratin တွေစုပုံရာက corns အသားမာဖြစ်ပေါ်လာတယ်။ ဒီအသားမာဟာ ရိုးရိုးအသားမာ (callus)ထက် အရွယ်အစားပိုသေးတယ်။ ပိုပြီးလည်း နက်တယ်။ အလယ်ပိုင်းက မာကျောပြီး ဘေးဖက်အရေပြားက အနည်းငယ်ပျော့နေတယ်။ လက်နဲ့ဖိကြည့်ရင် နာတယ်။ keratin ဆဲလ်သေကြောင့် အရေပြားက မာခဲနေပါတယ်။ corns အသားမာကို ခြေချောင်းလေးတွေမှာ ပိုတွေ့ရတယ်။ အဆစ်များတဲ့ ခြေမ၊ ခြေသန်းနဲ့ ခြေသကြွယ် မျက်နှာပြင်အထက်ပိုင်းမှာ ဖြစ်ကြတယ်။ ဒီအဆစ်နေရာတွေဟာ ပွတ်တိုက်ခံရဆုံးနေရာတွေ ဖြစ်လို့ပါ။ ရှူးဖိနပ်စီးသူတွေရဲ့ခြေချောင်းတွေမှာ မကြာခဏ တွေ့မြင်ရတယ်။ corns အသားမာ အမျိုးအစား (၃)မျိုးရှိပါတယ်။ (၁) Hard […]