Pityriasis rubra pilaris (ဆယ်လမွန် အရေပြားနာ) ဆိုတာ ပန်းရောင်၊ လိမ္မော်ရောင် အကွက်တွေ အရေပြားမှာ ပေါ်ပေါက်လာတာ ဖြစ်ပါတယ်။ တံတောင်၊ ဒူးခေါင်း၊ ခြေကျင်းဝတ် စတဲ့နေရာတွေ ဖြစ်တယ်။ ထူးခြားချက်က ခြေဖဝါး၊ လက်ဖဝါးတွေ နီရဲပြီး ထူထူကြမ်းကြမ်းကြီးဖြစ်နေတာပါ။ lichen acuminatus လည်း ခေါ်ပါတယ်။ ပုံစံအမျိုးမျိုးဖြစ်နိုင်တယ်။ အရေပြားက ဆယ်လမွန်ရောင်ထနေပြီး အရေခွံကွာတယ်။ ယားယံတတ်တယ်။ မွှေးညင်းပေါက် ကရာတင်ဆဲလ် ပိတ်ဆို့မှုကြောင့် ကြာဆူးဆန်ဆန်အဖုလေးတွေ တွေ့ရတတ်တယ်။ ဒီရောဂါဟာ psoriasis (ထပ်တရာနာ)နဲ့ မှားတတ်ပါတယ်။ 

ဘာ့ကြောင့်ဖြစ်လဲ

ဒီရောဂါ ဘာ့ကြောင့်ဖြစ်မှန်းသေချာမသိရဘူး။ တချို့မှာ မျိုးဗီဇ မွေးကတည်းက ပါလာလို့ဖြစ်တယ်။ မျိုးဗီဇပါလာရင် ငယ်ငယ်တည်းက စဖြစ်ပြီး ပေါ်လိုက်ပျောက်လိုက် တစ်သက်လုံးဖြစ်နိုင်ပါတယ်။တချို့ရောဂါငုတ်တာလည်းရှိတတ်တယ်။ adult onset အသက်ကြီးမှ စပေါ်လာတာမျိုး ရှိတတ်တယ်။ ကာကွယ်ဆေး၊ insulin ထိုးဆေး၊telaprevir ဆေးဝါးတွေကြောင့်လည်း ဖြစ်နိုင်တယ်။ 

ကုသနည်း

Pityriasis rubra pilaris (ဆယ်လမွန် အရေပြားနာ) ဖြစ်လာရင် lactic acid, salicylic acid, urea လိမ်းဆေးတွေသုံးနိုင်တယ်။ vitamin A, isotretinoin, acitretin သောက်ဆေးတွေပေးရတယ်။ မသက်သာရင် Methotrexate, cyclosporine, Azathioprine ဆေးတွေ ပေးနိုင်တယ်။ adalimumab, etanacept, infliximab ထိုးဆေးတွေလည်း လိုရင်သုံးလို့ရတယ်။ မွေးရာပါမဟုတ်ရင် ၃နှစ်အတွင်း သက်သာနိုင်ပါတယ်။

ဒေါက်တာအေးမင်းထူး

အရေပြားအထူးကုဆရာဝန်

အကယ်၍ အထက်ဖော်ပြပါ လက္ခဏာအချို့ကို ခံစားနေရပါက ဒေသခံ အရေပြားအထူးကုဆရာဝန်ထံသို့ဖြစ်စေ (သို့မဟုတ်) အဆင့်မြင့် ရောဂါကုသမှုအတွက် 092051590 သို့ဖြစ်စေ ဆက်သွယ်သင့်သည်။

If you have been suffering from some of the above symptoms, you should contact a local dermatologist or by calling 092051590 for further advanced treatment.