Lichen aureus ဆိုတာ ခြေထောက်မှာ အဖြစ်များတဲ့ သံချေးရောင် ယားနာကွက်တွေကို ခေါ်ပါတယ်။ pigmented purpuric dermatosis အမျိုးအစားထဲပါဝင်ပြီး လူငယ်တွေနဲ့ ကလေးတွေမှာ အဖြစ်များတယ်။ lichen purpuricus လို့လည်း ခေါ်ကြသေးတယ်။ သွေးနီဥပေါက်ထွက်လာရာက haemosiderin ဓာတ်တွေ အရေပြားအောက်လွှာ(superficial dermis)မှာ စုပုံအနည်ထိုင်ရာကနေ ဒီလိုသံချေးရောင်ကွက်တွေ ဖြစ်ပေါ်လာလေ့ရှိတယ်။ဖြစ်တဲ့နေရာကို လေ့လာကြည့်တဲ့အခါ lymphocytes နဲ့  histiocytes ခုခံအားဆဲလ်တွေ စုပုံနေတာ တွေ့ရတယ်။ အထူးသဖြင့် histiocytesဆဲလ်တွေ ပိုတွေ့ရတယ်။

ဘာ့ကြောင့်ဖြစ်လဲ

သွေးကြောပျက်စီးမှု(endothelium damage)ကြောင့် ဖြစ်တယ်ယူဆကြတယ်။ များသောအားဖြင့် ဆေးဝါးတွေကြောင့် ဖြစ်တယ်။ interferon alpha နဲ့ ribavirin ဆေးဝါးတွေကြောင့် အဖြစ်များတယ်။ ဆိုးဆေးတွေကြောင့်လည်း ဖြစ်တတ်တယ်။

ကုသနည်း

pimecrolimus 1% cream ကို တစ်ရက်နှစ်ကြိမ် သုံးလပေးခြင်းဖြင့် သုံးပတ်အတွင်း သက်သာနိုင်တယ်။ သောက်ဆေးထဲမှာ vitamin C 500mg တစ်ရက်နှစ်ကြိမ်နဲ့ rutoside 50 mg တစ်ရက်နှစ်ကြိမ် ပေးရတယ်။ လိုအပ်ရင် colchicine, pentoxifylline, ultraviolet therapy နဲ့  laser therapy တွေပေးရတယ်။ အတွေ့အကြုံအရ clobetasol propionate 0.05 % လိမ်းဆေးတွေက သိပ်အလုပ်မဖြစ်တာတွေ့ရတယ်။

ဒေါက်တာအေးမင်းထူး

အရေပြားအထူးကုဆရာဝန်