Kerion ဒက်ပြည်တည်နာ Kerion ဆိုတာ မှိုပိုးကြောင့်ဖြစ်တဲ့ ဦးရေပြားပြည်တည်နာတစ်ခုဖြစ်ပါတယ်။ မှိုပိုးကူးစက်ခံရတဲ့အခါ ခန္ဓာကိုယ်ရဲ့ ခုခံအားစနစ်က ဦးရေပြားထဲဝင်ရောက်နေတဲ့ မှိုပိုးကို ပြင်းပြင်းထန်ထန် တုံ့ပြန်လိုက်ရာက ပြည်တည်နာတွေ ဆက်တိုက်ဖြစ်ပေါ်လာတယ်။ Kerion အကျိတ်တွေဟာ ရောင်ရမ်းမှုကြောင့် ဖြစ်လာတဲ့ နောက်ဆက်တွဲဆိုးကျိုးလည်းဖြစ်တယ်။ Tinea Capitis (ဦးရေပြားမှိုစွဲခြင်း)ရဲ့ ပြင်းထန်တဲ့ ပြည်တည်နာ လက္ခဏာပုံစံတစ်ခုလည်းဖြစ်တယ်။ ဦးခေါင်းမှိုကျိတ်နာ (kerion)ဟာ Trichophyton နဲ့ Microsporum မျိုးစိတ်တွေကြောင့် အဓိကဖြစ်တယ်။ခေါင်းပတ်၊ ခေါင်းဘီး၊ ဆံပင်ညှပ်ကိရိယာများကနေ တစ်ဆင့် ကူးစက်နိုင်တယ်။ အိမ်မွေးတိရစ္ဆာန် (ကြောင်၊ ခွေး)တွေကတဆင့် ကူးစက်နိုင်ပါတယ်။ Kerion ဖြစ်တဲ့အခါ ဦးခေါင်းမှာ ရောင်ရမ်းတဲ့ အဖုကျိတ်တွေ စဖြစ်လာပါတယ်။ အဖုကျိတ်တွေဟာ တဖြည်းဖြည်း ကြီးထွားလာပြီး ပျော့ပျောင်းတဲ့ပြည်တည်နာတွေ ဖြစ်လာတတ်ပါတယ်။ အဖုကျိတ်ရဲ့ မျက်နှာပြင်မှာ ပြည်ထွက်နေတဲ့ အပေါက်ကလေးတွေ […]