Tinea capitis ဒက်ပေါက်ခြင်း Tinea Capitis (ဦးရေပြားမှိုစွဲခြင်း)ဆိုတာက ဦးရေပြားနဲ့ ဆံပင်အောက်ခြေအမြစ်ထိအောင် မှိုစွဲတဲ့ ကူးစက်ရောဂါ တစ်မျိုးဖြစ်တယ်။ မြန်မာတွေက ဒက်ပေါက်တယ်လို့ ဆိုကြတယ်။ ဒီရောဂါဟာ ကလေးငယ်တွေမှာ အဖြစ်များပါတယ်။ ဦးရေပြားမှိုစွဲခြင်းဟာ Dermatophyte မှိုမျိုးစိတ်ကြောင့် အဓိကဖြစ်ပေါ်တယ်။ လူအချင်းချင်း ရောဂါကူးစက်ကြတယ်။ ခေါင်းဘီး၊ ဆံသဆိုင်တွေမှာ ဆံညှပ်ကိရိယာနဲ့ ခေါင်းဘီးတွေ မျှဝေသုံးစွဲခြင်းကြောင့် ကူးစက်နိုင်တယ်။ ကြောင်၊ ခွေး စတဲ့ အိမ်မွေးတိရစ္ဆာန်တွေကနေ ကူးစက်နိုင်တယ်။ မြေကြီးမှိုပိုးတွေကနေလည်း ကူးစက်နိုင်ပေမယ့် ရှားပါတယ်။ ရောဂါလက္ခဏာတွေဟာ မှိုအမျိုးအစားပေါ် မူတည်ပြီး ကွဲပြားနိုင်တယ်။ အကွက်လိုက်ဆံပင်ကျွတ်ခြင်းဟာ အဖြစ်အများဆုံးလက္ခဏာဖြစ်ပါတယ်။ ဆံပင်ကျွတ်တဲ့နေရာမှာ အမည်းစက်လေးတွေ (ဆံပင်အမြစ်တွေ) ကျန်နေတတ်ပါတယ်။ ဆံပင်ကျွတ်တဲ့နေရာဟာ ခပ်ဝိုင်းဝိုင်းပုံစံ ရှိပြီး နဂိုအရေပြားထက် နီရဲရောင်ရမ်းနေတတ်ပါတယ်။ မှိုစွဲတဲ့ ဦးရေပြားက အလွန်အမင်း […]