Pinta တောင်အမေရိက နူနာရောဂါ Pinta (ပင်တာအနာ)ဟာ Treponema carateum ဘက်တီးရီးယားကြောင့်ဖြစ်တဲ့ နာတာရှည်အနာရောဂါတစ်မျိုးဖြစ်ပါတယ်။ treponematoses ရောဂါစုထဲမှာ ပါဝင်ပြီး အရေပြားချင်း တိုက်ရိုက်ထိတွေ့မှုကြောင့် ကူးစက်နိုင်တယ်။ ခြင်၊ ယင်ကောင် စသည့် အင်းဆက်ပိုးကောင်တွေကတဆင့် သွယ်ဝိုက်ပြီး ကူးစက်နိုင်တယ်လို့ ယူဆကြတာလည်း ရှိတယ်။ ဒီအနာရောဂါဟာ အရေပြားကိုသာထိခိုက်စေပြီး တခြားကိုယ်တွင်းအင်္ဂါထိ မပျံ့နှံ့ပါဘူး။ အခုခေတ်မှာ ဒီရောဂါဟာ အလွန်ရှားပါးသွားပြီ ဖြစ်ပေမယ့် အမေရိကတိုက်ရှိ ကျေးလက်ဒေသတွေမှာ တွေ့ရတတ်ပါတယ်။ အသက် ၁၅ နှစ်မှ ၃၀ အတွင်း လူငယ်တွေမှာ အဖြစ်များပြီး သန့်ရှင်းမှုအားနည်းသူတွေမှာ အဓိကတွေ့ရတယ်။ ရောဂါလက္ခဏာရပ်များ ၁။ ပထမအဆင့် (Primary Stage) ဒီအဆင့်ဟာ ရောဂါပိုး ကိုယ်ခန္ဓာထဲဝင်ရောက်ပြီး ၂-၃ ပတ်အကြာမှာ စတင်ပေါ်ပေါက်လာတယ်။ “pintid” […]