lichen nitidus ဆိုတာ ကလေးငယ်တွေမှာ ဖြစ်တဲ့ အသားရောင်အဖုငယ်လေးတွေကို ခေါ်ပါတယ်။ ကျောင်းနေစကလေးငယ်တွေမှာ အတွေ့များတယ်။ အရင်က lichen planus ရောဂါရဲ့ လက္ခဏာခွဲတစ်ခုအဖြစ်ရှုမြင်ခဲ့ကြပေမယ့် အခုတော့ သီးခြားအရေပြားပုံစံအဖြစ် လက်ခံလာကြတယ်။ ဒီရောဂါဟာ တခြားအရေပြားရောဂါတွေနဲ့ ဆက်စပ်နေတတ်တယ်။ Lichen planus, Atopic dermatitis, Crohn disease, Down syndrome, HIV, Juvenile chronic arthritis စတဲ့ ရောဂါတွေနဲ့ ဆက်စပ်နိုင်တယ်။ အဖုလေးတွေဟာ လက်မောင်း၊ လက်ဖျံ အတွင်းပိုင်း၊ ဗိုက်၊ ရင်ဘတ်၊ တင်ပါးစတဲ့နေရာတွေမှာ အတွေ့များတယ်။ အစုလိုက်ဖြစ်ကြတယ်။ အဖုက ခပ်မာမာနဲ့စူထွက်နေတတ်တယ်။ အဖုထိပ်ပိုင်းက ခပ်ပြားပြားနဲ့ အရွယ်အစားက ပင်းအပ်ခေါင်းလောက်သာရှိတယ်။ အပြင်စူထွက်ပြီး ပြောင်တင်းနေတတ်တယ်။ ကြာစူးနဲ့ ဆင်တူတယ်။ တချို့က […]
နှင်းခူချပ်ပြင် နှင်းခူချပ်ပြင် (LSC)ကို neurodermatitis circumscripta လို့လည်း ခေါ်ပါတယ်။ ပုံမှန်အားဖြင့် ဆိုရီအေးဆစ်ကြေးခွံနာအရေပြားရောဂါသည်တွေမှာ တွေ့ရတယ်။ နောက်ပြီး နှင်းခူအမျိုးအစားဝင် atopic dermatitis နဲ့seborrheic dermatitis အရေပြားတွေမှာလည်း ဖြစ်ကြတယ်။ ဓာတ်မတဲ့ရာကနေလည်း ဖြစ်နိုင်သေးတယ်။ အစားအသောက်ကြောင့် ဖြစ်တာတော့ ရှားတယ်။ ဒီရောဂါက အလွန်အဖြစ်များပြီး အသက် (၄၀)ကျော်အရွယ်တွေ ပိုတွေ့ရတယ်။ နှင်းခူချပ်ပြင်ဟာထပ်ခါတစ်လဲလဲကုတ်ခြစ်ရာကတဆင့် အရေပြားအောက်လွှာမှာ amyloid ဓာတ်တွေ စုပုံရာက ဖြစ်စေတယ်။ ခြေ၊လက်စတဲ့နေရာတွေမှာ အတွေ့များတယ်။ နာတာရှည်ရောဂါဖြစ်ပြီး ကုတ်ခြစ်ရာက ပြန်ပြန်ဖြစ်ကြတယ်။ ဒီလိုနဲ့ ရောဂါက တဖြည်းဖြည်းပိုဆိုးလာပါတယ်။ ကုသနည်း ကုနည်းအမျိုးမျိုးရှိတယ်။ လိမ်းဆေးထဲမှာ topical steroid, calcineurine inhibitor, antibiotic ointment စသည်ဖြင့် ပေးရတယ်။ တချို့ သောက်ဆေးအဆင့်ထိ ပေးရတတ်တယ်။ အကြေးခွံလန် အသားအရည်ခြောက်သွေ့တာအတွက် အစိုဓာတ်ထိန်းဆေးတွေလည်း လိုအပ်ပါတယ်။ အရေးကြီးဆုံးအချက်က ယားတဲ့နေရာ ဆက်မကုတ်မနိုင်အောင် ဆေးစည်း၊အဝတ်စည်းတာမျိုး လုပ်ပြီး ကုသနိုင်မှ ပျောက်ကင်းတယ်။စနစ်တကျဆေးကုသနိုင်ရင် ၄-၆ ပတ်အတွင်း သက်သာပျောက်ကင်းနိုင်တယ်။ ဒေါက်တာအေးမင်းထူး အရေပြားအထူးကုဆရာဝန် If you have been suffering from some of the above symptoms, you should contact a local dermatologist or by calling 092051590 for further advanced treatment. အကယ်၍ အထက်ဖော်ပြပါ လက္ခဏာအချို့ကို ခံစားနေရပါက ဒေသခံ အရေပြားအထူးကုဆရာဝန်ထံသို့ဖြစ်စေ(သို့မဟုတ်) အဆင့်မြင့် ရောဂါကုသမှုအတွက် 092051590 သို့ဖြစ်စေ ဆက်သွယ်သင့်သည်။
