Head lice သန်းကိုက်ခြင်း သန်း(Head Lice)ဆိုတာ ခေါင်းကိုယားယံစေတဲ့ ကပ်ပါးပိုးမွှား (parasitic insect)တွေ ဖြစ်ပါတယ်။ ဆံပင်တွေကြားမှာ ကပ်ညှိနေထိုင်ပြီး ဦးရေပြားက သွေးကို စုပ်ယူပြီး အသက်ရှင်သန်ကြပါတယ်။ သန်းကောင်တွေဟာ နှမ်းစေ့အရွယ်အစား ခပ်လုံးလုံးအကောင်လေးတွေဖြစ်တယ်။ သန်းတွေဟာအတူနေသူကနေ ကူးစက်နိုင်တယ်။ အိပ်ရာခင်း၊ ခေါင်းအုံး စတာတွေကနေ ကူးစက်နိုင်ပါတယ်။ ကလေးသူငယ်တွေမှာ အဖြစ်များတယ်။ဆံပင်ရှည်သူ၊ ဆံပင်တိုသူ၊ ဆံပင်သန့်ရှင်းသူ မရွေး ကူးစက်နိုင်ပါတယ်။ သန်းကူးစက်ခံရတဲ့အခါ အဆင့်(၃)ဆင့် ရှိပါတယ်။ ၁။ သန်းဥ (Nits) သန်းဥတွေဟာ ဆံခြည်မျှင်ပေါ်ကပ်တွဲထားတဲ့ အဖြူရောင် (သို့) အညိုရောင် အစက်လေးတွေ ဖြစ်တယ်။ ဘီးစိတ်နဲ့ ခါချရင်တောင် ကပ်ကျန်နေတတ်ပြီး ခွာရခက်ပါတယ်။ သန်းဥကနေ ၇-၉ ရက်အတွင်း သန်းလောင်း (Nymph)အဖြစ် ပေါက်ဖွားလာပါတယ်။ ၂။ […]