Freckles မှဲ့ခြောက်ထွက်ခြင်း Freckles (Ephelides) ဆိုတာ အရေပြားမှာ နေရောင်ထိတွေ့မှုကြောင့် ပေါ်ပေါက်လာတတ်တဲ့ သေးငယ်တဲ့ အညိုရောင်အစက်အပျောက်လေးတွေ ဖြစ်ပါတယ်။ မြန်မာလိုမှဲ့ခြောက်လို့ ခေါ်ပါတယ်။ နေရောင်ခြည်မှာပါဝင်တဲ့ ခရမ်းလွန်ရောင်ခြည်က အရေပြား မယ်လနင်ဆဲလ် (melanocytes) ကို နှိုးဆွတဲ့အခါ အမည်းရောင်ခြယ်ဓာတ်ပစ္စည်း (melanin)တွေ ထွက်ပေါ်လာပြီး မှဲ့ခြောက်ကို ဖြစ်ပေါ်စေတယ်။ လေ့လာမှုတွေအရ MC1R မျိုးဗီဇ ချို့ယွင်းတဲ့သူတွေမှာ ပိုဖြစ်တတ်ပါတယ်။ ဟော်မုန်းပြောင်းလဲလွယ်တဲ့ ကလေးငယ်နဲ့ အပျိုဖော်ဝင်စ မိန်းကလေးတွေမှာ တွေ့ရတတ်တယ်။ ကလေး ၁၀၀ ယောက်မှာ ၅ ယောက် နှုန်းဖြစ်ပွားတတ်ပါတယ်။ အထူးသဖြင့် အသားဖြူသူတွေ၊ မျက်လုံးအပြာရောင်ရှိသူ နဲ့ ဆံပင်နီသူတွေမှာ ပိုတွေ့ရတတ်ပါတယ်။ မှဲ့ခြောက်ရဲ့ လက္ခဏာတွေက သိသာတယ်။ မျက်နှာပေါ်မှာ ညိုဝါရောင် (သို့) အညိုရင့်ရောင်အစက်အပျောက်တွေ စတင်ဖြစ်ပေါ်လာတယ်။ ဒီအစက်တွေဟာ […]