Cutaneous histoplasmosis ဟစ်စတို မှိုလုံးအနာ Cutaneous Histoplasmosis ဆိုတာ Histoplasma capsulatum မှိုပိုး ကြောင့် ဖြစ်တဲ့ ရှားပါးအရေပြားရောဂါတစ်မျိုး ဖြစ်တယ်။ ဒီရောဂါဟာ အဆုတ်ကို အဓိက ထိခိုက်စေတယ်။ ကိုယ်ခံအားကျဆင်းသူတွေမှာ အဖြစ်များတယ်။အရေပြားထိခိုက်မှုဟာ ခန္ဓာကိုယ်တွင်း ရောဂါပြန့်ပွားနေတဲ့ လက္ခဏာတစ်ရပ်ဖြစ်ပါတယ်။ ဒီမှိုပိုးဟာ ငှက်မစင်နဲ့ လင်းနို့မစင်ရှိတဲ့ မြေကြီးထဲမှာ တွေ့ရတတ်ပါတယ်။ ဒီမှိုပိုးပါတဲ့ ဖုန်မှုန့်တွေကို ရှုရှိုက်မိတဲ့အခါ အဆုတ်ထဲ ဝင်ရောက်ပြီး ရောဂါကူးစက်တတ်ပါတယ်။ အဆုတ်ရှိရောဂါပိုးဟာ သွေးကြောထဲကတဆင့် ခန္ဓာကိုယ်တစ်ခုလုံး ပြန့်သွားတဲ့အခါ အရေပြားအပါအဝင် တခြားအင်္ဂါတွေကိုပါ ထိခိုက်စေပါတယ်။ အရေပြားမှာ ပေါ်လာတဲ့ Histoplasmosis အနာကွက်တွေဟာ ပုံစံအမျိုးမျိုးရှိပါတယ်။ အနာများ (Ulcers)၊ အဖုများ (Papules)၊ အကျိတ်များ (Nodules)၊ ဝက်ခြံနှင့်ဆင်တူတဲ့အနာများ (Acne-like lesions)၊ […]